Fart og godsmak av bær

Mykje folk møtte fram då valldalingane tjuvstarta olsokmarkeringa laurdag.

- Vi er rivande usamde om jordbær, men gifter oss likevel neste helg, seier bruda Camilla Myren Døving og hennar Arne Røstøen frå Toten. Camilla fekk ei valldalskorg i premie etter flott innsats i Jordbærdilten, Arne stod over denne gongen.   Foto: Atle Hole

Indre

 - Kollisjonar vert det alltid. Denne gongen med festival på Giske og AaFK-kamp. Sett på bakgrunn av dette er vi nøgde med frammøtet, seier leiar i Valldal IL, Einar Hoel, og skodar utover folkehavet. Samla sett kanskje eit par tusen i løpet av dagen.

Det heile opna med Jordbærdilten, eit lettsprunge 3,2 kilometer langt mosjonsløp. Ikkje uventa vart Kristian Nedregård, Spjelkavik og omegn FIK,  raskast med tida 10.16. Nærast kom Isak Flo Bødal, Stårheim IL, med 10.41.

Kranglar om storleik

Jordbærdilt vart det òg på Camilla Myren Døving – diskret pynta som brud i sitt eige utdrikkingslag. Den heldige kjem frå Toten, også eit sterkt jordbærdistrikt.

 - Vi kranglar om kvar bæra er størst, i Valldal eller på Toten, Men ikkje verre enn at det blir ekteskap på heilag grunn ved Juvet neste helg, fortel Camilla med fortid som dyktig langrennsløpar i Valldal IL.

Kamp om finaleplassar

Morellesteinspytting var populæt grein laurdag. Gratis smaksprøve av framifrå bær nytta mange seg av, mot at «spyttet» vart høgtidleg bandmålt. Kampen om finaleplass, dit dei tre beste frå kvalifiseringa kom,  var beinhard. Vinnaren er busett i Ålesund, men oppvaksen i Valldal.

 - Eg har vore heime i Valldal på ferie, fekk høyre om konkurransen, og vedgår å ha trena siste dagane, seier vinnarane som du kan lese meir om i papiravisa på laurdag. Vinnarspyttet målte fine 9,65 meter – under gode forhold i Valldal laurdag ettermiddag

Sunnmørsposten ønsker en åpen og saklig debatt. Alle innlegg blir kontrollert etter publisering. Vi forbeholder oss retten til å forkorte, redigere og fjerne innlegg.
Indre