Sjølv nesten utan utlendingar går mykje bra i Geiranger denne sommaren:

Ryktet om Geirangers død er betydeleg overdrive

Vel, det kjem ikkje éin million turistar dit denne sommaren. Men dei som trudde det skulle vere folketomt og stille i Geiranger denne sommaren tok feil.

Ein annleis ferie: Det vart norgesferie på Aleksander Kværner (saman med Malene), Kristian Dregan (saman med Vårin), Malene de Groot og Vårin Schjelderup i år. I Geiranger har dei budd i bilen. Her ser vi dei teste Geiranger Zipline. Alle på biletet bur i Oslo, men begge damene kjem opphavleg frå Fredrikstad. At unge nordmenn kjem til Geiranger i sommar er langt frå unikt.  Foto: Staale Wattø

Reportasje

– Før denne sesongen var bookingane betre enn nokon gong før. Dei aller fleste var godt førebudde, fortel Geir Gjørva.