Hotella ved Hjørundfjorden vil ha fortgang i ei planlagd fjellrute opp til Elsandtindane. Ruta har fått namnet Hjørundfjordegga.
Sherpaer har tidlegare bygt sti frå Hjørundfjorden til Saksa (1073 moh.), og hotella vil legge til rette for turistar vidare langs den luftige ruta opp til Elsandtindane, som på det høgste er nesten 1400 meter over fjorden.
No stiller hotella ved Hjørundfjorden seg undrande til det dei oppfattar som kommunal skepsis, skriv Møre-Nytt. Både Hotel Union Øye og Sagafjord Hotell meiner ei slik rute vil dra fleire gjestar også utanom sommarsesongen.
Dei viser også til suksessen i Loen der Loen Active har tredobla omsetninga på to år.