Premiere på 80-talsrock og kjærleikssorg i Ørsta

Det var så godt som utseld på premieren på musikalen «Kingdom of Desire» i Ørsta kulturhus onsdag kveld.
Søre

Ein fengslande og kjensleladd musikal basert på musikk av den verdskjente gruppa Toto, står det i reklamen.

Det er musikk, dans og drama-elevane i Volda som framfører musikalen «Kingdom of Desire», basert på songar av den millionseljande gruppa Toto, som hadde si storheitstid på 1980-talet.

Lærar, kapellmeister og keyboardist Gunnar Sigve Aurdal har skrive musikalen. Han var sjølv elev på denne linja frå 1995 til 1998.

– Handlinga går føre seg på 1980-talet og i dag. Utan å røpe for mykje får publikum oppleve ein balansegang mellom suksess og lykke. Det vert mykje kjærleikssorg, åtvarar musikalmakaren.

Sjå også: Musikalen 2013 (ekstern side)

«Kingdom of Desire» – på norsk noko i nærleiken av Kongeriket av lyst og lengsel – er den syttande musikalen Musikk, dans og drama arrangerer.

Bildeserien blir utvida

Les fleire kulturnyheiter på smp.no