Tre sunnmøringar er blant dei åtte kunstnarane som får tildelt kunstnarstipend frå Møre og Romsdal fylkeskommune i 2018. Det melder fylkeskommunen i ei pressemelding. Stipenda skal vere med på å styrke Møre og Romsdal som kulturfylke.
I alt 46 kunstnarar hadde søkt om stipend då fristen gjekk ut 31. januar, innan visuell kunst, musikk, litteratur, scenekunst og film.
– Kunstnarstipenda skal gje kunstnarar høve til å fordjupe seg i større prosjekt, seier leiar i kultur- og folkehelseutvalet Marit Nerås Krogsæter.
I tillegg til dei ordinære kunstnarstipenda vert det også i år tildelt eit arbeidsstipend på 200.000 kroner. Det er tredje året dette stipendet vert tildelt.
Stipenda vil verte delt ut under Fylkeskulturkonferansen i Kristiansund 25. april.
Dei åtte som har fått tildelt stipend er:
Arbeidsstipend:
Ane Vik Eines, Mjosundet – 200.000 kroner
Visuelle kunstnarar:
Ine Harrang, Molde – 50.000 kroner
Jon Arne Mogstad, Surnadal – 50.000 kroner
Litteratur:
Joakim Hunnes, Ålesund – 80.000 kroner
Åshild Moldskred, Måndalen – 30.000 kroner
Musikk:
Jorunn Marie Kvernberg, Volda – 80.000 kroner
Øyvind Weiset, Halsa – 30.000 kroner
Film:
Jan Otto Ertesvåg, Ålesund – 80.000 kroner
