Det heile startar allereie torsdag.
Trine Ramsvik Stette, Karoline Hansen og Monica Sæterøy Høybakk er blant deltakarane. Dei har trua på at det kan bli ein kvinneleg vinnar i år.
– Vi kvinner er kanskje litt meir detaljfokusert enn karane, seier Karoline Hansen.
– Og rolegare, seier Monica Sæterøy Høybakk.
Ein annan som også skal til Stjørdal for å skyte blink, er topp-politikar Frank Sve. Til dagleg har han Stortinget som arbeidsgjevar.
– På ein god dag kan eg klare å kome til finale, seier Sve til Sunnmørsposten.
Stortingspolitikaren frå Stranda har vore aktiv skyttar i 46 år, det vil seie sidan han var ni år. Han har deltek i ei lang rekkje landsskyttarstemne utandørs.
Martine fra Stranda vant VM-sølv
Ein stor idrett
Familien Sve har forstra ei heil rekkje gode skyttarar, og til denne meisterskapen har Frank med seg sonen Sivert og dottera Martine. Sistnemnde tok sølv i junior-VM så seint som i oktober. Det er ikkje ein reint liten prestasjon.
– Vi skal hugse på at skyting er den nest største idretten i Norge, seier Frank Sve.
For dei som er interesserte i skyting blir det gode moglegheiter til å få med seg spenninga frå Stjørdal, der familien Sve er blant rundt 2.000 deltakarar.
Følg alt på smp.no
Polaris Media har nemleg inngått avtale med Det frivillige Skyttervesen om å strøyme helgas landsskyttarstemne. Det betyr at du kan følge stemnet på smp.no fortløpande.
Det blir både studiosending med ekspertkommentarar og ulike innslag.
– Vi trur denne sporten og konkurranseforma vil «treffe» våre lesarar frå Alta i Nord til Lindesnes i sør, seier Stig Vågnes, prosjektleiar i Polaris Media Streamsenter.