Ordførar Anders Riise var på Mallorca då han fekk meldinga om eit muleg drap heime på Hareid. Han fekk umiddelbart varsla varaordføraren og leiaren i det kommunale kriseteamet. Teamet var oppe frå klokka 18 fredag kveld, og har vore i kontinuerleg beredskap sidan.
Laurdag var Riise tilbake i Hareid og tok over som ordførar igjen.
– Det har kome inn mange førespurnader til krisetelefonen, fortel ordførar Riise til Sunnmørsposten.
Han seier det er vanskeleg å kome skikkeleg i gang med arbeidet opp mot pårørande, all den dag den drepne personen framleis ikkje er sikkert identifisert.
Politiet bekrefter grotesk drap
Dei som vil ha kontakt med krise- og omsorgsgruppa, finn kontaktinformasjonen på Hareid kommune si nettside.
Telefonen vil vere døgnkontinuerleg bemanna framover, og her vil det vere personar å snakke med, seier ordføraren. I gruppa er det helsepersonell og prest.
Samling
Laurdag kveld vil krise- og omsorgsteamet saman med politiet ha ei samling på Bigset skule for naboar på Bigset.