Bryggeriet skal vere Sunnmøres einaste økobryggeri og duoen bak bedrifta er Øyvind Grimstad Gryt og Andreas Grimstad.
Hareidsdølene seier at det til tider har vore vanskeleg å lage nok for å møte etterspurnaden.
– I det siste har det vore svært vanskeleg. Vi har no både bygd om bryggeriet for å auka produksjonen og dobla kapasiteten ved å sette inn fire nye tankar. Då vi starta opp for eitt år sidan trudde vi jo at den kapasiteten skulle halde lenge. Kor lenge den held no skal bli artig å sjå, seier produksjonssjef Andreas Grimstad i ei pressemelding.
Les fleire næringslivsnyheiter på smp.no
I januar vann Grim & Gryt prisen for beste tradisjonsøl i den nasjonale kåringa til «Det Norske Måltid». Dette er ei kåring av dei beste mat- og drikkeprodukta i Norge. Konkurransen starta i 2008, og målet er å vise fram breidda innan matproduksjon i landet.
