Snøen skaper problem på vegane på Sunnmøre torsdag.
- Det blir rapportert at det er glatt mange stader, seier Per Åge Ferstad i politiet på Sunnmøre.
Like ovafor Stranda sentrum sto i 16-tida eit vogntog fast i motsett køyrefelt.
Litt lenger opp er totalt fem bilar i grøfta på same stad, opplyser ein trafikant.
Enno lenger oppe skal nok ein bil vere i grøfta.
Og i Hevsdalen opp mot Strandafjellet pågår det berging av eit vogntog, opplyser Ferstad i politiet. Også to andre vogntog har hatt problem oppe på Strandafjellet.
- Vi har varsla Statens vegvesen om strøing, seier Ferstad i politiet til smp.no.
På Haramsøya er ein lastebil i grøfta mellom Austnes og Ulla.
Også på
Ørskogfjellet
og i
Mauseidvågen
er det bilar som har sklidd av vegen, opplyser Ferstad i politiet.
Smp oppdaterer