Som namnet sladrar om er det knytt både kraft og spenning til arrangementet.
Ekstra kjekt er det sjølvsagt at sponsoren set opp rause pengepremiar til borna og ungdomane i skulekorpsa.
Slik har det seg at vinnarane i Volda skulekorps kan putte heile 15.000 blanke kroner i kassa si.
Første utgåve av konkurransen Sunnmøre KorCup baud på både høgde og breidde: – Eg torde ikkje eingong syngje for maten
Musikalitet, showfaktor og orden
– Tevlinga er lagt opp slik at korpsa vert vurdert ut frå tre kriterium: Musikalitet, showfaktor og orden, fortel Johnny Vassli Hansen i Hovden & Ørsta Skulekorps.
– Korpset vårt, altså Hovden & Ørsta tok ein knipen 2.-plass rett framfor Ulsteinvik på tredje, fortel korps-forkjemparen.
I tillegg til desse tre, tok også skulekorpsa frå Hareid og Bergsøy del i det festlege opplegget.
Orden er viktig
Før om åra gjekk TussaTreff over fleire dagar. I år valde ein å stramme inn og berre køyre sjølve tevlinga.
Bak suksess-korps står vaksne som bryr seg
– At borna er ryddige når dei entrar og forlet scenen. Litt orden er kjekt å ta med seg i eit skulekorps, seier Johnny og ler.
Showfaktoren gjer gjerne nokre byks oppover i takt med kor oppfinnsame dei unge er i kledebunad og dramaturgi.
Hovden & Ørsta Skulekorps og Ulsteinvik skulekorps blant vinnarane
Kvart korps stiller med to innslag og gjer mest muleg ut av dette.
– Skulle det elles stå likt i poeng mellom to, vil dei som scorar best på musikaliteten vinne, forklarer Johnny Vassli Hansen.
Vårsamlinga gjorde ordføraren stolt
Hovden & Ørsta Skulekorps fekk med seg 10.000 kroner heim gjennom Eiksundsambandet for den finfine andreplassen.
Ulsteinvik skulekorps kan på si side gle seg over 5.000 kroner i premie. Alt dette kjem godt med, for heller ikkje å drive korps er gratis i denne verda.