Søndag har den kjente norske kunstnaren Pushwagner, som er kunstnarnamnet til Terje Brofoss, salsutstilling på Flø.
Og det var en 75-åring i godt humør som kom i ein rosa limousin til Studio Hugo Opdal på Flø.
– Eg er veldig glad for å vere her. Eg trudde ikkje eg skulle kome ut hit att, men det er viktig å spreie kunsten ut i distrikta, sa Pushwagner.
Sist gong han var på Flø vart han så begeistra for galleriet og naturen at han vassa rett ut i havet like ved galleriet. Våte bukser førte då til eit lengre sjukehusopphald. Denne gongen lét han havet vere i fred.
– Men eg lar meg inspirere av havet, forsikra han overfor smp.no, og la til:
– Det er veldig mykje finare her enn i Oslo.
Pushwagner verker å vere meir populær enn kunstnarar flest. Det har fotograf og gallerist ei forklaring på.
– Det som er så spesielt med Pushwagner er at alle liker bileta hans. Både unge og gamle og folk frå alle samfunnslag liker han, forklarar han.
I overkant av hundre personar hadde møtt opp utanfor galleriet for å helse Pushwagner velkomen, så står det at å sjå kor mange som vel å kjøpe eit av kunstverka hans.