Søndag kjem Rein Alexander til Nordøyhallen for å halde konsert saman med Haramsøy, Flem og Lepsøy skulekorps.
Dei tre øykorpsa har jobba med dette prosjektet sidan august og ser fram til å samarbeide med den profilerte songaren nok ein gong.
Kva skjer? Sjekk kulturkalendaren på smp.no
Under konserten får publikum høyre dei rundt 100 musikantane frå dei tre øykorpsa i ei avdeling for seg sjølve, og i ei avdeling i lag med Rein Alexander.
Nordøyhallen vil bli omgjort til eit stemningsfullt konsertlokale, med juletre og glitrande julelys, lovar korpsa som står som arrangør. I tillegg blir det eit 10 meter langt kakebord.
Også i fjor vår spelte desse korpsa, i tillegg til Tennfjord skulekorps, saman med Rein Alexander i Nordøyhallen på konserten «Ut mot havet».