– Det er heilt utruleg at det går an, men det er sjølvsagt veldig kjekt, seier 13-åringen.
Satser hardere på futsalserie
– Eg hadde aldri trudd det skulle bli siger i alle cupane. Det er spesielt kjekt å vinne med dei som er eldre enn meg, seier keepertalentet.
Vann med storebroren
I G15-klassa fekk han spele saman med storebroren Andreas, og det var sjølvsagt litt ekstra stas.
– Mattias er ein uredd keepertype, som kanskje gjer at han klarer så godt å spele med dei som er eldre. Han var ein viktig bidragsytar til at det blei cupsigrar for desse laga, seier Sander Håskjold Nyland, som er trenar for G13-laget som gjekk til topps i helga i Ørskoghallen.
Les fleire saker om lokal idrett på Nordvestlandet.
I tillegg til siger i G13, G14 og G15-klassene, så har Hødd vunne G19 og kom til kvartfinalen i G16.
– Vi har ikkje trent på futsal inn mot cupane, men har meistra det godt likevel. Det er litt spesielt, men G13 og 14 er vande til å trene på små område slik dei lærer seg å orientere seg raskt. Det er mogleg det hjelp, men i tillegg har vi nokre gode årskull, seier trenaren.
G13 kunne juble i helga etter at dei slo Ørskog 5–1 i finalen.
– Vi tok leiinga og det blei raskt 1-1, men det var eigentleg ingen tvil om at vi skulle vinne, seier Håskjold Nyland.
Elling Kongsnes Jørgenvåg frå Ørskog blei toppscorar i G13-turneringa.
Siger til FK Sykkylven
Det vart også arrangert futsal cup i to andre årsklasser i helga. I G16-klassa blei det heimesiger til arrangøren Stranda. Dei vart meistrar etter å ha slått Ørskog/Stordal 3–1 i finalen. Stranda-spelar Trym Jarvik blei toppscorar i cupen med ti mål.
I J13-klassa var det siger til FK Sykkylven etter at dei slo Blindheim 4–3 i ein jamn og spanande finale. Maria Nygård Erstad frå FK Sykkylven blei toppscorar i cupen med 14 mål. Ho blei den store helten i finalen med alle scoringane for cupmeisteren.