I tider med arbeidsløyse og behov for omstillingstiltak for næringslivet og samfunnet, er raud-grøn politikk det beste alternativet. No er det viktig å arbeide på brei front, langsiktig og med ulike verkemiddel. All omstilling må ta omsyn til miljø og klima, til mat-tryggleik og til fordelingsspørsmål både globalt og nasjonalt. Alle parti har vore raskt ute med store og visjonære forslag til tiltak.
Vi i Senterpartiet vil i ein lokalvalkamp også utfordre til å tenkje konkrete, lokale tiltak som kan gå inn i ein slik omstillingsstrategi. Senterpartiets 10 forslag til lokale motkonjunkturtiltak, som kan takast inn i Statsbudsjettet for 2016, og i fylkeskommunen og kommunane sine budsjett:
1. Fjerne arbeidsgjevaravgift for lærlingar og bruke kompensasjonsmidlar for arbeidsgjevaravgift til å støtte bedrifter og kommunar som tek inn lærlingar.
2. Sette av pengar i Statsbudsjettet til planlegging og teknologiutvikling for ferjefri E 39 (Halsafjordsambandet og Hafast), og til fylkeskommunale ferjeavløysingsprosjekt, med sikte på å framskynde oppstart og bidra til arbeid til lokalt næringsliv og utvikle miljøvenlege transportsystem
3. Auke støtta til etablering av energianlegg basert på fornybar energi som solenergi, bioenergi og vindkraft, slik at energiprisen blir konkurransedyktig.
4. Fjerne kravet til bedriftene sin eigendel i nye forskingsprosjekt som fremmar ei berekraftig utvikling – t.d. utvikling av ulike modellar for lukka oppdrettssystem
5. Innføre rentegaranti og/eller tilskott for kommunane slik at dei kan ta sjansen på å forsere viktige kommunale investeringsprosjekt innan skule, barnehage, helse og avløp og renovasjon, samt studentbustader og flyktningebustader
6. Bygge ut breiband til heile fylket
7. Auke ressursane til distriktsutviklingstiltak og kommunale næringsfond
8. Setje i verk reguleringsarbeid og prosjektering av gang- og sykkelvegar og større vedlikehaldsarbeid på veg – med sikte på at det må komme ekstra midlar for å halde oppe sysselsettinga
9. Restaurering av verneverdige bygg og andre kulturminne10. Restaurere dyrkajorda – gje støtte til grøfting, istandsetting og skjøtsel.
KRISTIN SØRHEIM
1.-kandidat for Senterpartiet