Teksting er viktig for NRK. Vi tekstar alle TV-program, både når det blir snakka norsk og når det blir snakka framandspråk.
Unntaket er direkteteksting av distriktssendingane. På grunn av tekniske utfordringar får vi ikkje til å sende ut tekst på ti samtidige direktesendingar. Vi tekstar sendingane så fort vi kan, og legg teksten ut i NRK TV seinare same kveld. Distriktsprogramma blir sende i reprise med teksting på NRK2 frå klokka 06.20 dagen etter.
Vi jobbar med å finne løysingar som kan gi publikum direkteteksting på distriktssendingane, men vi kan ikkje seie når vi kan levere ei slik teneste ut til publikum.
