Plattform forsyningsfartøyet «Island Champion» har sikra seg kontrakt med ASCO Marine Limited.
– Denne toårs-kontrakten er vi verkeleg glade for å ha fått i hamn. Marknaden for PSV-ar er framleis svært utfordrande, og difor gjer det ekstra godt å ha sikra arbeid for mannskap og fartøy i to år framover, seier Håvard Ulstein, administrerande direktør i Island Offshore Management, i ei pressemelding.
«Island Champion» skal operere ut frå Aberdeen. Med denne nye kontrakten kan Island Champion halde fram med å forsyne same installasjonen som den har gjort sidan båten var ny.
Skipets mannskap utmerker seg med om lag 3.300 dagar utan skadefråvær, ifølge reiarlaget.
– Vi ser at oljeselskapa fokuserer sterkt på HMS i valet av båtar, og vi er stolte av å kunne presentere slike tal som «Island Champion» leverer. Dette overgår standarden i bransjen, seier Ulstein.