Tal frå forsikringsbransjen viser at då er det stor sjanse for at tjuvar stikk av med han i sommar.
Tryg Forsikring reknar med at 300–400 båtmotorar frå 9,9 til 30 hestekrefter blir stolne dei neste månadene frå selskapet sine kundar.
Denne motorklassen er desidert mest populær mellom tjuvane som luskar rundt langs etter kysten vår.
– Langs kysten står det tusenvis av små båtar med usikra påhengsmotorar. Dei fristar tjuvar som små barn i godtebutikken, seier båtekspert Johnny Hellesøy i Tryg Forsikring i ei pressemelding.
Forsikringsbransjen betalte i fjor ut 67 millionar kroner etter totalt 1550 tjuveri av eller frå båt i løpet av fjoråret. I overkant av tusen påhengsmotorar forsvann. I tillegg reknar Tryg med store mørketal.