Laserkontrollen var i 80-sona, og politiet melder om to førarkortbeslag.
Høgste fart var 142 km/t, medan den andre som blei fråteken førarkortet køyrde 124 km/t. Det blei elles delt ut to forenkla førelegg, der høgste fart var 100 km/t.
Pussa opp om natta
Politiet i Møre og Romsdal har lagt ut to meldingar om bråk av ulike karakter, like før klokka eitt i natt.
I Breivika i Ålesund fekk ein litt ivrig huseigar pålegg om å avslutte arbeidet, fordi naboar ikkje fekk sove.
Og i Ulstein sentrum blei det meldt om burning i området ved Ulstein verft. Då politiet kom til staden var burninga over og ingen bilar var på sjå.
Stal saus og brus
I Ulsteinvik blei det onsdag kveld meldt om tjuveri av brus, frokostblanding og sauspakkar.
Ein mann blei teken på fersk gjerning og sak er oppretta.