I søknaden peikar styret på tre hovudgrunnar til at Sunnmørsbadet kan kome i pengeknipe framover.

Den eine er skulebadinga, som blir redusert frå 1,8 til 1,2 millionar kroner.

Konkurranse med Ulstein

Det andre er at styret forventar konkurranse frå Ulstein Arena, med reduserte inntekter som resultat.

Styret trur at Sunnmørsbadet på årsbasis vil få 20.000 færre besøk på grunn av det nye badeanlegget i Ulsteinvik.

Utgifter til vedlikehald

For det tredje ser styret i Sunnmørsbadet at det vil kome ein auke på kostnadssida som følgje av vedlikehaldsarbeid og mindre oppgraderingar.