Vann med padda på laget

Handballgruppa på Hareid vann tevlinga #umbrochallenge på Facebook og dermed fekk dei 50 000 kroner til utstyr.

Konkurransen er arrangert av Umbro, og går ut på å ha det beste lagbiletet som ein lastar opp på Facebook, og så vinn det med flest «likes».

Hareidjentene valde å ta sitt bilete saman med den berømte paddestatuen i Austefjorden, og kanskje det var derfor dei stakk av med sigeren.

Fleire tusen

– Umbro gratulerer jentene som har lagt ned fantastisk innsats. Vi fekk inn fleire hundre lagbilete og fleire tusen har stemt, skriv Umbro på si facebookside.

– Biletet blei tatt etter at damelaget vann bronse i si fyrste turnering i april i år. Vi var usikre på om vi kunne vinne, men fann fort ut at vi måtte prøve. Vi såg at vi fort fekk mange «likes», og vil takke alle som har stemt, seier Arnhild Hestholm i handballgruppa.