To bilar frontkolliderte på fylkesveg 61 på Eidet i Hareid kommune klokka 07, tysdag.
I bilane var det ifølgje politiet tre personar, der to var uskadd.
- Den tredje, ein mann i 50-åra er frakta til sjukehus i Volda med ambulanse. Han er lettare skadd, seier operasjonsleiar Tor André Gram Franck ved Sunnmøre politidistrikt til smp.no.
Ulykka skjedde rett ved ei lysregulering som er sett opp i samband med arbeidet med ny gang- og sykkelveg. Lysreguleringa var ikkje igangsett.
Ut frå spor på staden kan det sjå ut som om det er bilen som kom frå Hareidssida som har kome over i motsatt felt.
- Dette vil vidare etterforsking avdekke, seier Franck.
Dei to ulykkesbilane vart taua bort litt over klokka 08.
Det danna seg ein del kø i samband med ulykka.