Regionsjef Inge Andre Utåker i Norled seier til smp.no at folks frustrasjon går ut over mannskapet på ferjene i sambandet Hareid - Sulesund.
- Mobbing av dekksfolk har auka merkbart dei siste dagene. Folk viser "gester" og skjeller ut mannskapet, seier Inge Andre Utåker.
- Tunge dagar
Det har vore mykje merksemd rundt regularitet og kapasitet på sambandet Hareid - Sulesund, spesielt etter at bilferja Ullensvang blei satt inn i sambandet.
Ferja er full - rykk tilbake til start
Dette har gått utover mannskapet, meinar Utåker.
- Mannskapet har tunge kvardager. Folk klagar, og media fyrer opp under dette, seier Utåker.
Fryktar sjukmeldingar
Utåker fryktar fleire sjukmeldingar på grunn av det han kallar mobbing.
- Vi kan oppleve at avgangar blir innstilte fordi vi ikkje kan bemanne ferja. Mobbinga går på helsa laus, åtvarar han.
– Ikkje kjeft på ferjemannskapet
Feilvurdering
Søndag reagerte ein ambulansesjåfør på at reserveferja Høgsfjord ikkje tok med ambulansen til trass for at ferja var halvfull.
- Hit, men ikkje lenger
Utåker seier det vart gjort ei feilvurdering i det konkrete tilfellet. Samstundes trudde mannskapet at ambulansepersonellet aksepterte orsakinga.
- Det var difor eit sjokk å lese oppslaget på smp.no, seier regionsjefen.
Han minner om at Norled leverer innanfor anbodet og krava som er sett av Møre og Romsdal fylke.
I natt blei Ullensvang sett inn i sambandet att etter å ha vore ute av drift 12 dagar.