– Du har nok ei meining om kven av dine nabokommunar du kunne tenke deg å samarbeide med, blir det sagt i informasjonsvideoen frå fylkesmannen. Sjå videoen over
– Reform betyr forbetring, blir det sagt vidare i videoen, som oppfordrar ungdommar til å dele sine meiningar om reforma på sosiale medium og i lesarinnlegg i aviser.
Etterlyser undervisning på skulen
– Dei fleste ungdommar veit veldig lite om kommunereforma, seier prosjektleiar Vigdis Rotlid Vestad hos Fylkesmannen.
I første omgang er opplegget retta mot ungdomsskulane.
– Ungdomsråda er veldig klar på at ein kort filmsnutt med ein enkel bodskap til ein undervisningstime på skulen, det er svært ønskeleg, seier Vestad.
– I tillegg er det også laga eit undervisningsopplegg som er sendt ut til skulane og til kommunane, seier ho.
– Ungdommen er veldig klar på det. Dei fleste veit veldig lite om dette arbeidet, seier Vestad til smp.no.
Forme framtida
– Fylkesmannen vonar denne videoen kan inspirere ungdom til å vere med å forme framtida til Møre og Romsdal, heiter det i ei pressemelding.
Innan 1. juli 2016 skal kommunane gjere eit vedtak om retningsval. Stortinget og regjeringa har bestemt at alle kommunar skal utgreie si framtid, anten å halde fram som eigen kommune, eller saman med nabokommunar. Kommunane ynskjer å høyre innbyggarane si meining om kommunen si framtid. Dette gjer dei mellom anna gjennom innbyggarhøyring eller folkerøysting.