Tysdag førre veke var det overleveringsmøte mellom entreprenør Peab – K. Nordang AS og Ørsta kommune. Det skriv Mørenytt på si heimeside.
– Skulen har vorte kjempeflott. Han er utruleg praktisk og bra laga. Dette trur eg vert ein veldig god skule, seier rektor ved skulen, Laila Aarset til avisa.
Den nye skulen er på om lag 1.000 kvadratmeter og har tre klasserom i tillegg til spesialrom for musikk, naturfag og kunst og handverk. Ungdomssteget ved skulen har det siste året reist 1.5 mil til gamle Barstadvik skule og Aarset fortel avisa at ho gler seg til heile skulen er samla igjen.
Også uteområda er forbetra med flaumlys over grusbana. Det planleggast også utetreningsapparat ved skulen.