Høg fart og mykje mobilbruk

Utrykkingspolitiet har gjennomført to trafikkontrollar på Sunnmøre i dag torsdag. Den eine fartskontrollen blei haldt på Emblem, den andre i Sykkylven.

På Emblem blei det gitt eit forenkla førelegg for fart og to forenkla førelegg for mobilbruk.

I Sykkylven blei det gitt åtte forenkla førelegg for fart og to forenkla førelegg for mobilbruk.

Adferdskontroll

Ålesund politistasjon gjennomførte ein adferdskontroll i Brattvåg. Det blei gitt to gebyr for manglande bilbelte og to forenkla førelegg for mobilbruk.

Bil påkøyrt

Politiet fekk melding om at ein bil var blitt påkøyrt og påført skadar medan den stod parkert i parkeringshuset på Kremmergaarden.

Bilen har fått skadar i front og påkøyrselen har skjedd i tidsrommet 11.45 - 13.00.

Politiet etterlyser vitne.