Statens vegvesen signerte tysdag kontrakt med Molde-bedrifta Christie & Opsahl AS om bygging av ny ferjekai i Liabygda i Stranda.

Følg smp.no på Facebook

Kontraktsummen er 21,4 millionar kroner. Kontrakten inneber å rive dagens ferjekai og bygge ny kai på same plass, opplyser Statens vegvesen.

Den nye kaia skal byggast på same plass som den eksisterande kaia og blir lik som den nye kaia på Stranda, med ferjekaibru på 9 x 18 meter, og ei tilleggskai på 75 meter.

Den nye kaia gir betre forhold for trafikantane, og er tilpassa ferjetrafikken i framtida. Ferjetrafikken skal gå som normalt i byggeperioden og det blir derfor lagt opp til mykje kvelds- og nattarbeid medan ferja ligg til kai i Stranda.

I ein periode på tre veker må ferjekaia stengast heilt mens sjølve ferjekaibrua skiftast ut, då skal ferja gå til Linge ferjekai.