– Jente (6) trua på livet
Tysdag ettermiddag sender politiet ut ei pressemelding der dei etterlyser fleire tips. Fredag meinte politiet å vite kven gjerningspersonen var, dette har politiet no gått bort frå.
– Politiet har ikkje nokon konkret mistenkt i saka og derfor er det så viktig å få inn fleire tips, skriv politiet.
Dette er pressemeldinga frå Sunnmøre politidistrikt:
«Ei seks år gamal jente opplevde at ho vart trua av ein ukjend mann. Dette skal ha hendt fredag 7. august i Nedreskodjevegen i Skodje kommune litt før klokka 16.00. Politiet ynskjer kontakt med folk som har aktuelle observasjonar som kan hjelpe med oppklaringa av saka.
Jenta på seks år opplevde å verte halden for munnen og seier ho vart trua på livet av den ukjende mannen. Jenta kom seg laus og ropte på hjelp. Då skal manne ha forsvunne.
– Vi har ikkje vitne til denne hendinga i Nedreskodjevegen. Politiet ynskjer derfor å kome i kontakt med folk som kan ha gjort observasjonar, spesielt i det aktuelle området før og etter klokka 16.00 fredag 7. august, seier lensmann Renate Grande Skodje ved Ørskog lensmannskontor.
– Vi er i gang med etterforskinga av saka og det er avhøyrt ein del personar. Politiet har ikkje nokon konkret mistenkt i saka og derfor er det så viktig å få inn fleire tips.
– Om du sit inne med opplysningar som kan vere med på å løyse saka ber vi deg om å snarast ta kontakt med politiet. Alle tips er av interessante for oss og du når politiet på telefon 70 11 87 00.»
Du kan også tipse Sunnmørsposten.
Tips til Sunnmørsposten: Telefon: 95 400 400 || Epost: 95400400@smp.no || SMS 95 400 400