Klokka 15.30 var vinden i ferd med å løye på Sunnmøre. Stormsenteret låg over Nordmøre og Sør-Trøndelag, med vind i orkans styrke.
Litt tidlegare på ettermiddagen auka vinden medan den dreia på vest.
Klokka 13 var det målt orkan 33 meter i sekundet på Kråkenes fyr. Klokka 15 var vinden nede i sterk kuling 18,5 meter i sekundet på Kråkenes, ifølge yr.no
Uforandra
Det var venta at Sunnmøre vil få det verste vêret mellom klokka 13 og 18, med kastevindar.
– Det kan bli vindkast oppi 30–35 meter i sekundet på Sunnmøre i denne perioden, sa meteorolog Haldis Berge til Smp.no.
Det som meteorologane kallar ekstremvêr er venta å treffe Nordmøre og Sør-Trøndelag torsdag ettermiddag, med kortvarig vest og nordvest sterk storm 30 m/s eller orkan 33, med vindkast 40–45 m/s inn over land. I Sør-Trøndelag seier politiet at ingen bør gå ut mellom klokka 16.00 og 19.00 i ettermiddag, skriv adressa.no.
Web-kamera: Slik ser det ut i Ålesund akkurat no
Torsdag morgon vippa det mellom liten og full sørvestleg storm ved Stad.
– Rundt Stad-hjørnet er det mykje vind no, men heile sunnmørskysten vil få storm i føremiddag, sa meteorolog Haldis Berge ved Vervarslinga på Vestlandet.
– I føremiddagen vil det auke til full storm langs heile kysten av Sunnmøre, seier Berge.
Melder ekstremvær for Møre og Romsdal
Fleire straumbrot på søre Sunnmøre
Mildvêr
Torsdag kveld vil vinden vere nede i liten kuling på Sunnmøre.
Utover veka er det meldt laber til frisk bris på kysten og opptil åtte plussgrader.
Har du tips eller bilete frå stormen? Tips oss på 95 400 400 eller 95400400@smp.no! Du kan også merke bileta #smpno på Instagram.