Mørebil-tomta i Ørsta sentrum er i Ørsta formannskap torsdag selt til H. I. Giørtz & Sønner AS og Asko Eigedom AS for 6,5 millionar kroner.
Dette melder Møre-Nytt på nett torsdag ettermiddag. Formannskapet samla seg før kommunestyremøtet same dag for å ta avgjerd i den langvarige saka som sal av Mørebil-tomta.
Tomta ligg i det såkalla Esso-området, der det i dag her busshaldeplass, og der buss-selskapet Mørebil tidlegare heldt til.
Ei gruppering av kommunelegane ved Ørsta legesenter har tidlegare lagt inn bod på tomta, med tanke på å etablere nytt legesenter her. Legesenteret har lenge hatt for tronge lokale. Dette bodet vart forkasta som for lågt av politikarane, som ville ha 7,0 millionar for den store sentrumstomta.
No er altså bygget og tomta selt til A.H. Giørtz & Sønner i Ålesund, og det lokale Asko Eigedom, ein halv million kroner under kommunen sin eigen verdivurdering.
Kjøparane vil utvikle tomta i samsvar med reguleringsplanen i området. Dette tilseier å rive det gamle bygget, og erstatte det med nybygg for både bustader og næringsareal.