Ferjesambandet Stranda-Liabygda blei innstilt inntil vidare onsdag morgon. Årsaka var driftsproblem, opplyser Fjord1. Det var bilferja «Volda» som er ute av drift.
– Det har oppstått ein lekkasje på ei kjølepumpe, forklarer regionleiar i Fjord1, Odd Reidar Ormåsen til Sunnmørsposten.
«Volda» gjekk til Magerholm, og ventar der på nye delar sendt frå Oslo.
– Kor lang tid det vil ta før ferja er tilbake, er ukjent. Men ferja vil truleg ikkje vere tilbake i sambandet i dag, sa Ormåsen onsdag.
B-ferja i sambandet Eidsdal-Linge vil gå inn i sambandet Stranda-Liabygda, truleg frå rundt klokka 11.30.
Denne ferja har mindre kapasitet enn «Volda». Det fører også til at kun A-ferja går i sambandet Stranda-Liabygda.
– Slik vil det altså truleg bli ut dagen, sa Ormåsen onsdag føremiddag.
Frå klokka 13.15 blei det normal drift igjen i sambandet mellom Stranda og Liabygda.