Tidlegare onsdag ettermiddag blei Hercules-maskinen observert i delvis låg høgde i Hornindal-traktene. Seinare på dagen tok flyet ein sveip over delar av Sunnmøre, før dei flaug til Ørland flystasjon i Trøndelag.
– Eg såg to kliss like fly over Hornindal, men kun eitt av dei var synleg på Flightradar, seier redaktør i Fjordingen Bengt Flaten.
Det skjer samtidig som øvinga «Dynamic Mongoose» går føre seg i Nordsjøen. Dette er ei årleg anti-ubåt-øving i regi av Nato. Den varer til 10. mai.
– Denne aktiviteten er ikkje tilknytt øvinga «Dynamic Mongoose», seier Hanne Olafsen ved Forsvarets operative hovudkvarter.
– Det er rutinemessig alliert trening.
– Denne dagen er kanskje viktigere enn noen gang
Olafsen vil ikkje gå ut med kor lågt flyet flaug på det lågaste:
– Vi kan ikkje kommentere flyhøgde, anna enn at dei har løyve til å flyge ned mot 300 fots høgde.
Det blir ikkje fleire amerikanske Hercules-maskinar å sjå dei neste dagane:
– Det er ikkje planlagt meir flyging med US C-130 i området, seier Olafsen.
8. mai i Ålesund: Feirer friheten og hedrer veteranene