Mannen i 40-åra dreiv eit enkeltmannsføretak og var dagleg leiar i eit aksjeselskap.
No har Søre Sunnmøre tingrett dømt mannen for manglande rekneskapsføring, samt manglande innsending av momsoppgåver. Begge deler er alvorlege straffbare forhold, skriv tingretten i dommen.
Bevis
Ifølgje dommen har mannen unndrege moms for nær 700.000 kroner.
Sidan det ikkje er ført rekneskap, har skatteetaten for å bevise lovbrot blant anna henta inn fakturakopiar frå kundar.
Lang tid
Søre Sunnmøre tingrett har dømt mannen til seks månader fengsel. Han må også betale 3000 kroner i sakskostnader.
I fastsetjing av straffa har retten som eit formildande moment teke omsyn til lang sakshandsamingstid. Dette skuldast både påtalemakta og tiltalte sjølv.
Forholda mannen er dømd for har skjedd i 2008 og 2009.