Saka er omstridd i organisasjonen, og handlar om kor mykje kvotar som kan samlast på ein kjøl. I dag er kvotetaket 650 basistonn, men Aalesunds Rederiforening går inn for å auke taket til 800 basisitonn.
- Aalesunds Rederiforening er opptatt av å samle eit størst muleg kompromiss om eit endra kvotetetak, heiter det i eit vedtak på generalforsamlinga fredag.
Skapte temperatur
Vedtaket er samsrøystes, men det gir ikkje eit rett bilete av stemninga i organisasjonen.
Ringnotreiar Sigurd Teige, i mange år styreleiar i Fiskebåtredernes Forbund, skapte temperatur med å foreslå eit kvotetak på 1300 basistonn.
- Dette er det einaste fornuftige. På denne måten kan vi samle kvotane til to fartøy på eitt, sa Teige, som sjølv har to ringnotfartøy.
- Taper på manglande forsking
Frykta ny splitting
Men etter press frå fleire trekte Teige forslaget, for å hindre ein situasjon som kunne føre til ny splitting i medlemsforeininga.
Saka har nemleg sprengstoff i seg. Førre gong organisasjonen diskuterte kvotetak i ringnot enda det med at mange av dei som vil bremse struktureringa melde seg og og skipa ein konkurrerande organisasjon – Pelagisk Foreining.
- Eg finn det rett å markere misnøye, og ønskjer å kome tilbake ved neste korsveg, sa Teige, etter å ha trekt forslaget sitt, som altså gjekk vesentleg lengre en det vedtatte kompromissforslaget.