Utover tirsdagen vil til saman 2100 tilsette i Rolls-Royce Marine på Sunnmøre bli orientert om den planlagde nedbemanninga. Måndag vart det kjent at selskapet skal fjerne rundt 600 tilsette i divisjonen.
Gjer som fleire enn 22.000 andre - lik smp.no på Facebook
Allmøta er på ulike tider utover dagen, men ved 13-tida var dei tilsette i Ulsteinvik ferdige med sitt møte.
– Dette vert ikkje lysteleg for Ulsteinvik. Det er alt eg kan seie, seier ein tilsett som ikkje vil ha namnet sitt i avisa. Han reknar med å vere ein av dei som må gå, og var budd på å få oppseiingsbrev i løpet av kort tid.
– Interne møter
Kommunikasjonsdirektør Anette Bonnevie Wollebæk seier til smp.no at møta er interne og at media difor ikkje var velkomne.
– Heller ikkje fagforeiningane ønskjer å snakke med media i dag, opplyser Wollebæk.
Wollebæk legg til at dei tilsette ikkje vil få vite kor mange som må gå på kvar enkelt plass i dag. Her vil det bli ein prosess framover, og ein må gjennom drøftingar.
Seinare tysdag tok likevel tillitsvald i Fellesforbundet på Longva, Bjørn Kåre Høistad, bladet frå munnen.
Les også: – Dramatisk for dei som misser jobben
Les også: Kutt rammar hardt på SunnmøreLes også: Rolls-Royce reduserer med 300Les også: Har kutta 125 i administrasjonen
300 av 2300 tilsette
Rolls-Royce har 2300 tilsette i Norge, og måndag blei det klart at konsernet vil fjerne 300 av desse stillingane.
Ifølgje Wollebæk jobbar om lag 2100 av Rolls-Royce sine tilsette i Norge på Sunnmøre. I underkant av 500 jobbar i Ålesund. Like mange jobbar i Brattvåg i Haram kommune. Ved avdelinga på Longva, også det i Haram, jobbar cirka 200.
I Ulsteinvik jobbar til saman mellom 600 og 700 på fabrikk og ingeniøravdeling, medan avdelinga i Hjørungavåg i Hareid kommune har mellom 200 og 250 tilsette.