– Vi vil ha omgjort vedtaket om at den nye sentrumsskulen skal ligge i Bakkeøyane. Han bør i staden plasserast i Ullavika, meiner kvinnene.
20. mars skal kommunestyret i Sykkylven avgjere om dei skal ta opp att saka som i 2013 vart avgjort med knappast mogeleg fleirtal, 15 mot 14 røyster.
Badeanlegg i Sykkylven
Snudd
Kariann Sandvik seier til Sunnmørsposten at ho har ei god magekjensle for at stemninga har snudd sidan 2013, og at det no er fleirtal i kommunestyret for å sjå på saka på nytt.
Sanner stoppa p-plass
– Kvifor dette engasjementet?
– Fordi det som skjedde i 2013 var at fleirtalet vedtok noko som var i strid med tilrådingane om at Ullavika var det beste alternativet og burde veljast, seier Sandvik.
– Kvifor er Ullavik best?
– For det første ligg tomta i Ullavika i ei solrik helling. Tomta i Bakkeøyane ligg i ein skuggefull dal nede ved ei elv, litt for nær ungdomsskulen og vidaregåande skule. Dei klimatiske tilhøva gjer at også kommunelegen støttar vårt syn.
– For det andre vil ein skule i Bakkeøyane bli mange millionar dyrare, på grunn av det som må gjerast rundt skuleområdet. I Ullavika ligg det allereie ein skule, seier Sandvik.
Tre i ein
Det er denne skulen i Ullavika, samt Aure skule og Vik skule den planlagde sentrumsskulen skal erstatte.
EU-utmerking for jugendportal
– Kvifor sa de ikkje ifrå i 2013?
– Fordi då vedtaket vart fatta var kommunen i Robek, og vi rekna ikkje med at bygginga ville kome i gang. Men no har dette endra seg, og det var på tide å gripe fatt i tomtesaka, forklarer Kariann Sandvik.
Ordførar Odd Jostein Drotninghaug vil ikkje flagge sitt syn før saka kjem i kommunestyret.
– Vil bygginga bli forseinka om saka må takast opp att?
– Det vil det, svarer han.