Politiet har starta etterforsking etter det politiet ser på som eit mistenkeleg dødsfall i Hareid kommune.
– Sunnmøre politidistrikt har søkt hjelp frå Kripos på teknisk og taktisk etterforsking. Det er venta at slik bistand vil kome til Sunnmøre fredag kveld, opplyser operasjonsleiar Magne Tjønnøy i Sunnmøre politidistrikt.
Det var rundt klokka 13.30 at politiet fekk melding frå ein person som fann ein annan person død i eit hus i Hareid.
– Vi ser på dødsfallet som mistenkeleg, og jobbar med å finne ut kva som har skjedd, opplyste Tjønnøy tidleg fredag ettermiddag.
Fredag kveld etterforskar politiet dødsfallet ved avhøyr og åstadsgransking. Leilegheita er i eit hus med to kommunale leilegheiter. Politiet har fredag kveld sperra av eit stort område rundt huset der den døde vart funnen.
Fredag kveld kom politiet med fleire opplysningar i saka, på ein pressekonferanse
34 etterforskarar er sett på saka