Ulvedyret som truleg har teke livet av fleire sauer og lam i Stranda-bygda Hellesylt, vart måndag kveld sett på nytt i Sykkylven.
Filma ulven på nært hald
– Ikkje optimist
Leiar Kjell Perry Drotningshaug i viltnemnda i Sykkylven opplyser til smp.no at observasjonen vart gjort ved 18-tida.
Hundane var på sporet av ulven
Ved 23.30-tida måndag var det ikkje meldt om fleire observasjonar.
Til saman ni lokale jegerar og tre jegerar frå Gudbrandsdalen med hundar deltek i jakta. Hundane hadde tidlegare måndag ferten av ulven, men sporet var truleg ikkje ferskt nok til at dei klarte å følgje det.
Fleire drepne dyr
I helga vart det funnen ti drepne dyr i Hellesylt.
No er det gjort funn av til saman 15 døde dyr. I tillegg er ni sakna, opplyser Ulf Lucasen, som er konstituert assisterande miljøverndirektør hos Fylkesmannen i Møre og Romsdal.
Får skyte ulv i Sykkylven
Dei har ikkje slått fast dette, men mistanken er sterk:
– Dei har sagt at det liknar ulv, og det har altså vore nok til at vi har gitt fellingsløyve i Stranda og Sykkylven. Men konklusjonen har vi ikkje fått på bordet enno, påpeiker Lucasen.