Tom Malins vert ny trenar i Bergsøy IL

Tom Malins er mannen som skal vidareføre Toni Sandangers trenargjerning i 4. divisjonsklubben Bergsøy IL.

Ny Bergsøy-trenar: Tom Malins (midten) vert Bergsøy IL sin nye A-lagstrenar. Og det er dagleg leiar Tom Beddari og leiar for sportsleg utvalg, Ronny Pål Kvalsvik, nøgd med. Foto: BIL Fotball  Foto: Bergsøy Fotball

fotball

31-åringen kjem no frå ei stilling som spelarutviklar i Hødd, og har skrive under ei toårskontrakt med Bergsøy.

Malins var i ei årrekke ein solid støttespelar på Volda si midtbane, og så seint som i år spelte han nokre kampar for Hødd 2 i 3. divisjon. Men det er ikkje meininga at han skal verte spelande trenar i Bergsøy.