Dette kjem fram i ei børsmelding frå Incus Investor som eig Scana Propulsion.
I tillegg til framdriftsutstyr til Ervik sine to nye fiskefartøy, skal Scana levere utstyr i samband med ombygging av to forskingsfartøy ved Baatbygg på Raudeberg. Totalverdien på kontraktene er på om lag 18 millionar kroner.
Stolte og glade
Ifølgje børsmeldinga er kontraktspartnarane Ervik Havfiske AS/Tersan Shipyard i Tyrkia og Baatbygg AS på Raudeberg.
– Vi er stolte og glade over å sikre nye kontrakter til Scana Propulsion, seier Hallvard Pettersen, dagleg leiar i Scana Volda AS.
Linebåtar
Scana Propulsion og Ervik Havfiske AS har inngått avtale om leveranse av framdriftsanlegg for to nye linebåtar som skal byggjast ved Tersan Shipyard i Tyrkia.
De to fiskefartøya blir utstyrt med 2-speed gir, cp-propellar og fjernstyring frå Scana propulsion. Skipa er av MT1112-design frå Marin Teknikk i Herøy.
Begge utstyrspakkane frå Scana Propulsion skal leverast frå fabrikken i Norge i løpet av andre kvartal 2017. Skipa er planlagt for levering frå verftet i Tyrkia i første kvartal 2018.
Forskingsfartøy på Baatbygg
Kontrakten med Baatbygg AS på Raudeberg i Vågsøy gjeld levering av framdriftsutstyr til ombygging av to forskingsfartøy til Havforskningsinstituttet.
Scana skal levere komplett anlegg av gir, propell og fjernstyring for oppgradering av 26 år gamle "R/V Johan Hjort", i tillegg til ein sternthruster til tidlegare "R/V Fridtjof Nansen" som vil bli omdøypt til "R/V Marie Bonnevie" etter ombygging.
Leveransane frå Scana Propulsion vil skje innan 2016.
Stadfestar konkurranseevne
Ifølgje Pettersen har Scana Propulsion fått fleire viktige kontraktar på leveransar til fiskefartøy i seinare tid, og dette meiner han stadfestar den sterke posisjonen til selskapet i dette segmentet.
Aktiviteten ved Scana Propulsion er delt mellom nysal og service/ettermarknad. Aktiviteten frå service, vedlikehald og oppgradering/retrofit står for ein viktig del av omsetninga.
– I ein stram marknad er det hard konkurranse blant marknadsleiande aktørar, og det å vinne kontraktar på så vel nybyggingsprosjekt som retrofit, er ei stadfesting på konkurranseevne, og evne til å yte god og effektiv service til kundane", avslutter Pettersen.
Les flere næringslivsnyheter her