Denne helga startar Kulturminnedagane, og dei skal vare ei veke. I Møre og Romsdal skal det avviklast om lag 30 arrangement i løpet av veka, og over halvparten av arrangementa er på Sunnmøre.
Til samanlikning har Sogn og Fjordane tre arrangement under Kulturminnedagane.
– Aktiviteten på Sunnmøre er unik på landsbasis. Regionen stiller med svært mange arrangement med god variasjon og spesielt god kvalitet, seier Heidi Thöni Sletten, som er rådgjevar i Norges Kulturvernforbund.
Hva skjer? Sjekk kulturkalenderen på smp.no
Samarbeid
Ho nemner Volda kommune som tidlegare i år inviterte lokale organisasjonar til å delta i Kulturminnedagane. Utspelet har resultert i fleire programpostar og ulike samarbeid, til dømes med Forskingsdagane på høgskulen.
– I Volda, og også andre stader på Sunnmøre, er det i tillegg solide arrangement som kjem igjen år etter år.
Thöni Sletten trekkjer fram Postvegmarsjen på Ørskog som eksempel, og fortel at frilufts-rådet og kulturlivet samarbeider om dette arrangementet.
Les fleire kulturnyheiter på smp.no
I landsstyra
At det er mange sunnmøringar i landsstyra for dei ulike kulturvernorganisasjonane, er med på å auke medvitet om kulturminne - og dermed også engasjementet for Kulturminnedagane, trur rådgjevaren i kulturvernforbundet.
Elise Anett Måseidvåg, leiar for Sunnmøre lokallag av Fortidsminneforeninga, trur dei mange arrangementa under Kulturminnedagane kjem av at sunnmøringane er engasjerte folk og driv med mykje frivillig arbeid.
– Men vi ser også at folk vert meir og meir interesserte i slektsforsking og kvar vi kjem ifrå. Det heng saman med identitet og at ein ønskjer meir bagasje i reisa i livet, seier Måseidvåg.
Kulturminnedagane er det største kulturarrangementet i Europa, og det unike med desse dagane er at alt innhald er basert på lokalt initiativ.
Les meir om kulturminnedagene her (ekstern lenke)