Den 43. norske filmfestivalen i Haugesund opnar søndag 16. august 2015 med eksklusiv visning av «Bølgen».
I filmen rasar fjellpartiet Åkneset ut i Storfjorden, slik at ei flodbølgje slår inn over bygdene kring fjorden. Hovudkarakterane er i Geiranger. Filmen har premiere 28. august.
Kronprins Haakon Magnus kjem til å vere i salen når filmen vert vist i Haugesund. Han har eit relativt nært forhold til Geiranger, staden dei reiseglade foreldra hass besøkte på si signingsferd i juni 1991.
Kongeparet har òg vore tilbake fleire gonger, mellom anna for å feire sølvbryllaupet sitt på fjellgarden Skageflå i Geirangerfjorden i 1993.
Gjør som flere enn 22.000 andre - lik smp.no på Facebook
Òg kronprinsparet har gjesta Geiranger ved fleire høve, seinast i 2012.
Måndag 17. august får Kari Anne Moes dokumentarfilm «Pøbler» verdspremiere på Den norske filmfestivalen i Haugesund. Filmen er støtta av Kronprinsparets fond, og Kronprinsen vil oververe`også denne visninga, melder festivalleiinga i ei pressemelding.
