Fyller bygda med liv og røre

Oldedagane opnar fredag 30. juni med framføring av «Oldenrevyen 2023» i festivalteltet. Kvelden blir avslutta med dans på Mølla.

Laurdag er det hornmusikk i gatene, leikar for borna, og tilbod om riding. Butikkane har langope, og det er kafé på Olden Bygdetun med loddsal, kaffi og kaker.

Karnevalstog

Det blir også karnevalstog på laurdag, med Olden Hornmusikk i spissen.

Laurdag er det også offisiell opning av den nye fotballbane i bygda, der det blir opningsfest med gratis kaffi og kaker.

Kvelden blir avrunda med dans på Mølla og endå meir revy i teltet.

Konsert i kyrkja

Søndagen byr mellom anna på konsert i Olden gamle kyrkje med Elisabeth Gimmestad, Marthe Aa og Camilla Hole, kafé på Olden bygdetun – og til slutt klosseløp i Oldenelva.