«Lufta er full» inneheld 14 nyskrivne songar, alle på nynorsk.
Draumar
desiBelle syng om draumar og vennskap, om å ta vare på kvarandre og å seie farvel, om bibelforteljingar og kvardagsbilete frå vår eiga tid. Musikken er inspirert av disko og funk frå 70-talet, så vel som dagens pop.
I samband med plateinnspelinga har jentene i desiBelle spelt inn to musikkvideoar, som er å finne på YouTube.
Singback
Songane på plata vert også gitt ut i eit eige notehefte med singback-CD.
– Vi håper å inspirere barnekor og skular til å bruke ny, nynorsk musikk, seier komponist og produsent Gaute Øvereng, i ei pressemelding. Det blir lanseringskonsert for «Lufta er full» på Høgskulen i Volda søndag 1. november.