Grønt forum Volda/Ørsta arrangerer grøn festival på Uppheim i Volda 18 november.
I ei pressemelding skriv arrangørane at det blir foredrag, stands, bruktsal og kafe.
På programmet står blant anna:
Ingeborg Sævik Heltne, nestleiar i SPIRE, skal halde foredraget «Frå klimaskam til kollektiv handling».
Martin Foldal, dagleg leiar i Sunnmøre Kulturnæringshage, forklarer sirkulærøkonomi på 10 minutt.
Evangeline Sessford, som driv gjenbruksbutikken Upscale på Sandane, skal både snakke for publikum og ha stand med redesignkolleksjonen sin.
Mona Redesign pussar opp og trekkjer om møblar, held kurs, syr om klede, og lagar nye ting av brukt. Henne møter du på stand, saman med Børre Lunde, som gjev nyttige tips om korleis halde ved like/reparere sykkelen.
BUA vil fortelje om si verksemd, Jordvernforeninga om vern/gjenbruk av jord, og mange fleire deltek med stand.
I tillegg blir det kafe og korsong, skriv Grønt Forum i pressemeldinga.