Møre og Romsdal fylkeskommune deler ut midlar til aktørar som skal utvikle ei Artist in residence-ordning i Møre og Romsdal.
Ordninga går ut på å tilby gratis arbeidsplass og bustad til profesjonelle kunstnararar frå inn- og utland, som ønsker arbeidsopphald i fylket vårt, fortel fylkeskommunen i ei pressemelding.
I alt fem søkjarar i fylket får støtte, to av frå Sunnmøre. Dei to er kunstnarfelleskapet Åtgaum i Volda og Studio Hugo Opdal på Flø.
Åtgaum satsar på å få til møte mellom kunstnarar og lokalsamfunnet. Fellesskapet har allereie mange samarbeidspartar og tilgang til internasjonale nettverk, noko som har resultert i interesse frå fleire internasjonale kunstnarar, opplyser fylkeskommunen.
Møteplass for utøvande kunstnarar i Volda
Vidare fortel dei at Studio Hugo Opdal skal utvikle ein residency for visuelle kunstnarar på Flø i Ulstein kommune. Studio Hugo Opdal er allereie eit velrenomert galleri med stort internasjonalt nettverk, og residensen vil gje både publikum og profesjonelle kunstnarar i fylket inspirasjon og kompetanse.
Mange gode søknader
Møre og Romsdal fylkeskommune ønsker å stimulere til vidareutvikling av det profesjonelle kunst- og kulturfeltet i Møre og Romsdal.
Derfor lyste dei i september ut prosjektstøtte til aktørar som vil utvikle toårig Artist-in-residence ordning.
Fylkeskommunen går inn med støtte på inntil 50 prosent, maks 150 000 kroner, av kostnadane i kvart prosjekt.
- Vi fekk inn mange gode søknadar, der nokre prosjekt utmerka seg. Vi har stor trur på at desse prosjekta vil bidra til å auke attraktiviteten til fylket som bu- og arbeidsstad for profesjonelle kunstnarar, seier rådgivar Carina Stokke i Møre og Romsdal fylkeskommune i pressemeldinga.
Utlysing og støtte til Artist-in-residence ordning for Møre og Romsdal er ein del av fylkeskommunen si satsing på kreative næringar.