Her er Stig Remøy sin nye reketrålar

Kompetanse frå Rimfrost vil bli brukt til behandling av biprodukt, opplyser Olympic.
Fiskeri

I går kom nyheita om at Stig Remøy søker ny lisens for krillfangst. No skal han også bygge ny reketrålar.

Båten skal leverast frå Tyrkia tidleg i 2020. Teikning: Rolls-Royce Marine 

Den nye båten er ein kombinert kvitfisk- og reketrålar.

Prisen på båten er ikkje kjend, men fartøyet skal ifølgje Olympic ha norsk utstyr for 150 millionar kroner. Mykje av dette er frå lokale leverandørar på Sunnmøre, mellom andre Rolls-Royce Marine.

Arktis og Antarktis

Fartøyet skal erstatte dagens «Nordøytrål», som vart bygt i 2001.Nybåten får mannskapskapasitet på 29 personar. Den nye trålaren er bygd for operasjon i arktiske farvatn.

– Kompetansen frå Rimfrost vil bli brukt til behandling av biprodukt, går det fram av pressemeldinga frå Olympic.

– For oss er dette eit viktig steg for å forsterke breidda innan vår marine verksemd, der både arktisk og antarktisk fiske vil spele ei vesentleg rolle i framtida, seier Remøy.

Rimfrost er for øvrig selskapet som er involvert i patentstriden med Røkke om behandling av krill.

Hybrid framdrift

Herøy-reder Stig Remøy. Arkivbilde.  Foto: Johan Behrentz

– Trålaren er på rundt 70 meter og vil vere full-elektrifisert, med siste teknologi i alle ledd, og med katalysatorar som avgrense utsleppa av miljøgassar. Til saman gjer det trålaren både ekstremt energigjerrig og miljøvenleg, ifølgje Olympic.
Sunnmørsposten ønsker en åpen og saklig debatt. Alle innlegg blir kontrollert etter publisering. Vi forbeholder oss retten til å forkorte, redigere og fjerne innlegg.
Fiskeri