Stryvo Bismo i Skjåk har vunne ein storkontrakt på ein prosesspakke med sjøvassfilter til olje- og gassindustrien som vil doble omsetninga i 2016, går det fram av ei pressemelding.
- Selskapet er del av Stryvo Group i Stryn, og den nye kontrakten har stor betydning for heile konsernet, heiter det i meldinga.
I tillegg til avdelinga i Skjåk består konsernet av Stryvo Stryn, Stryvo Florø og Brødrene Skaug i Oslo.
Selskapet er totalaktør innan prosjektering, engineering, produksjon, samanstilling og testing, og leverer alt frå halvfabrikat og
enkle konstruksjonar, til store og samanstilte komplette anlegg.