Ulstein Group hadde i 2015 ei omsetning på 2,3 milliardar kroner og eit driftsresultat på minus 95 millionar kroner. Resultat før skatt var nærare 135 millionar kroner i minus.
Forretningsområda Design & Solutions og Power & Control hadde likevel positivt resultat, heiter det i ei pressemelding frå konsernet.
Jobbar med omstilling
Det svake resultatet skuldast krevjande tider. Men konsernsjef Gunvor Ulstein seier nedgangen i offshore og ein vanskeleg marknad må møtast med omstilling og nyskaping.
- Vi er inne i krevjande tider. Konsernresultatet for 2015 vart svakt som følgje av lågare kapasitetsutnytting og den generelt utfordrande marknadssituasjonen innanfor våre forretningsområde, seier Ulstein i ei pressemelding.
Utfordringane held fram
Konsernet ser også at 2016 vil bli utfordrande.
- Vi jobbar med omstilling og utvikling innan nye og framtidsretta område, men det tek tid å få på plass løysingar som vi meiner kan vare ved, seier Ulstein.
135 millionar i minus
Driftsinntekter var i fjor på 2,33 milliardar kroner, medan det året før kom inn 2,70 milliardar kroner.
Omsetnaden i konsernet var i fjor på linje med det konsernet har hatt i åra etter rekordåret 2009. Det året kunne skipsbyggjarane notere eit driftsresultat på meir enn ein halv milliard kroner, frå omsetnaden på dryge 3,5 milliardar.
I fjor blei derimot driftsresultatet på minus 95,2 millionar kroner (184,1 millionar kroner i 2014).
Ordinært resultat før skatt var i fjor på minus 134,7 millionar kroner. (167,7 millionar kroner i 2014).
Yacht og vind
Ulstein Group har hatt stor fokus på levering av design, bygging og systemløysingar til offshoremarknaden siste tiåra.
- Offshoremarknaden innan olje og gass vil vere krevjande i lang tid framover og vi må tilpasse oss situasjonen. Vi er opptekne av å utvikle oss vidare innan vind- og beredskapsmarknadene og nye designområde der vi ikkje er etablerte enno, som til dømes exploration cruise og yacht. Vi jobbar aktivt med sal og utvikling for å få i hamn nye kontraktar, og vi har trua på at vi skal lykkast i dette arbeidet, seier Gunvor Ulstein.
Ny hekk
I januar 2015 signerte Ulstein kontrakt med Bernhard Schulte Offshore på levering av to servicefartøy til offshore vindindustrien.
Historisk sjøsetting ved Ulstein verftvart nyleg sjøsett frå Ulstein Verft
Visekonsernsjef Tore Ulstein kommenterer følgjande i pressemeldinga:
Ulstein lanserer ny kabelleggar
Utnytting av havrommet
Havromsbaserte verksemder står i dag for meir enn 70 prosent av dei norske eksportinntektene. Framtida vil vere avhengig av korleis vi forvaltar havet og investerer i ny kunnskap, uttaler Ulstein-leiinga.
- Vi trur at kunnskapsnava innanfor maritime og marine område vil bli sentrale for å kunne utnytte mulegheitene i havrommet framover. Det å jobbe på tvers mellom eksisterande næringsklynger vil bli viktig for å lykkast, seier Gunvor og Tore Ulstein.