I 2013 var Rufo i Hovdebygda nær konkurs og måtte tenkje nytt. No tek verksemda som lagar transportkasser til å sjå resultatet av effektiviseringstiltaka, skriv Møre-Nytt.
– Heile måten vi arbeider på har vorte forandra. Vi har teke i bruk 3D der vi fornya måten å kalkulere, teikne, maskinere og byggje. 2012 var toppåret vårt, men omsetnaden i år vert større og vi er langt færre folk, seier dagleg leiar Knut Steinnes til Møre-Nytt.
Les fleire næringslivsnyheiter på smp.no
Rufo har mellom anna satsa på netthandel, og har opplevd stor auke der. Verksemda ser også mot utlandet. Det er berre fire verksemder i Norge som byggjer transportkasser slik Rufo gjer.
– Marknaden er heilt forferdeleg akkurat no, og vi slit med valuta. Likevel klarer vi ny rekord i sal og omsetnad i år. Det er vi svært glade for, seier Steinnes.