Laurdag blei «Olympic Boreas» sjøsett ved Ulstein Verft. Dette var det første av to skip som verftet skal lage for reiarlaget Olympic frå Fosnavåg.

- Som CSOV-skip skal skipa yte støtte til konstruksjonsprosjekt og utføre serviceoppdrag innan offshoreenergi, skriv verftet i ei pressemelding.

Skipet skal vere heilt ferdig til sommaren.

Kontrakta mellom Olympic og Ulstein Verft blei signert i 2022, og gjeld bygging av to slike skip. Skroga blir bygd ved Crist-verftet i Polen.

Skipa får ei lengd på 89,6 meter, breidd på 19,2 meter og har plass til 126 personar fordelt på 91 lugarar.